“Odlar yurdu” beş yaşını qeyd etdi

Krasnoyark şəhərində yaşayan azərbaycanlılardan ibarət "Odlar yurdu" rəqs ansamblı 5 yaşını qeyd edərək möhtəşəm konsert proqramı ilə çıxış edib.

“Vətəninfo.az” xəbər verir ki, Krasnoyark şəhərində yaşayan azərbaycanlılardan ibarət "Odlar yurdu" rəqs ansamblı möhtəşəm konsert verib. Konsert zalı həm rus, həm da azərbaycanlı tamaşaçılarla tamamilə dolub. Konsertdə bir neçə milli rəqslərimizlə yanaşı, rəqqsalar Rauf və Aliyə Zeynalovaların ifasında təqdim edilən "Sarı Gəlin" rəqsi tamaşaçılar tərəfindən gurultulu alqışlarla qarşılanıb.
Qeyd edək ki, konsertin sonunda "Odlar Yurdu" rəqs qrupunun rəhbəri Ələkbərov Ələkbər konsertə gələn bütün tamaşaçılara təşəkkür edərək qrupun bu zirvəyə gəlib çatmasına görə həyat yoldaşı Qarayeva Səadət xanımıa, nümayiş olunan rəqslərin hazırlanmasını bilavasitə üzərinə götürən Zeynalov Rauf və Zeynalova Aliyə xanıma xüsusi minnətdarlığını bildirərək bu işdə əməyi keçən bütün insanları "Odlar Yurdu"- nun xüsusi diplomları ilə təltif edib.

Könül İbrahim