"Onlar milli satqın və şeytanlardır!" - Məhkəmə qərarı Kadırovu özündən çıxardı

Çeçenistanın dövlət başçısı Cənubi Saxalin əyalət məhkəməsinin hakimi Nataliya Perçenkonun qərarına sərt reaksiya verib.
Vətəninfo.az Avropa.info-ya istinadla xəbər verir ki, hakim "Allaha dua: Onun İslamdakı yeri” kitabını "ekstremist” kitab elan edib. Kadırov etirazını "İnstagram” səhifəsində yazıb:
"Cənubi Saxalin məhkəməsinin hakimi Natalya Perçenko prokuror Bilobrovsun şikayəti üzrə "Allaha dua: onun İslamdakı yeri” kitabının "ekstremist material” olması haqda qərar çıxarıb. Səbəb kimi isə "Fatihə” və Qurandakı digər surələr göstərilir. Məhkəməyə və hakimə xatırlatmaq istərdim ki, dünyadakı milyard yarım müsəlman namazlarını "Fatihə” ilə başlayırlar. Onlar bu surəni namaz vaxtı sutka on milyardlarla dəfə oxuyurlar. İndi hakim onları ekstremist sayır?"
Kadırov özü və dostlarının Rusiyanın ərazi bütövlüyü uğrunda, terrorizm və ekstremizmlə mübarizə apardığını deyib. O, Çar vaxtında belə çeçenlərin Qurana and içərək Rusiyanın düşmənlərinə qarşı sədaqətlə vuruşduğunu deyib.
Kadırov deyib ki, növbəti addımı bu qərarın özünüz ekstremizm kimi tanınmasına nail olmaq olacaq. Bu qərarın qanunsuz sayılması ilə bağlı onun göstərişi ilə apelyasiya şikayəti hazırlanıb.
Kadırov: "Qərarın müəlliflərin bu addımın Rusiya və xaricdə yaşayan milyonlarla müsəlmanı qıcıqlandırmayacağını bilməyə bilməzdilər. Bu təxribat Rusiyanın təcrid olunmasına və milyonluq etiraz aksiyalarına gətirib çıxaracaq. Mən tələb edirən ki, ölkədəki vəziyyəti partlayış həddinə çatdırmaq istəyən məhkəmə qərarını qəbul edən təxribatçılar sərt şəkildə cəzalandırılsın. Qərarı çıxaran şəxslər milli satqın və şeytanlardır. Bu mənim qəti fikrimdir!”