Pakistan: "Ermənistan helikopteri Azərbaycan əsgərlərinin həyatına təhlükə törədib"

Ermənistan hava qüvvələrinin helikopteri Azərbaycanın hava məkanını pozub və Azərbaycan əsgərlərinin həyatına təhlükə törədib.

Vətəninfo.az xəbər veir ki, bu barədə Pakistanın “States Times” qəzetində dərc edilmiş “Ermənistan helikopterinin işğal olunmuş Azərbaycan ərazisində Azərbaycan Ordusu tərəfindən vurulub” adlı məqalədə qeyd edilib Məqalədə Pakistan-Azərbaycan Forumunun iclasında çıxış edən Pakistanın sabiq xarici işlər üzrə katibi, senator Akrem Zeki Azərbaycan işğal olunmuş ərazilərində Ermənıstanın qanunsuz təlimlər keçirtdiyini və uçuşlar üçün qadağan olan hava məkanını pozduğunu bildirib. O, qeyd edib ki, Ermənistan hava qüvvələrinin helikopteri Azərbaycanın hava məkanını pozub və Azərbaycan əsgərlərinin həyatına təhlükə törədib.

Məqalədə Pakistan ordusunun ehtiyatda olan generalı Amcad Şoheybə istinad edilərək qeyd olunub ki, Ermənıstanın Mi-24 döyüş helikopteri Azərbaycanın ərazisində düşmüş və bu da Ermənıstanın Azərbaycanın hava məkanının pozmasının bariz sübutudur. Məqalədə bildirilib ki, bəzi media mənsubları tərəfindən Azərbaycanın ittiham edilməsi əsassizdir və təəccüb doğurur.

Məqalədə, eyni zamanda, münaqişə haqqında məlumat verilərək, Ermənistan ordusu tərəfindən Azərbaycan torpaqlarının işğal olunduğu və işğal nəticəsində Dağlıq Qarabağ bölgəsi və ətrafinda olan 7 rayonun hələ də işğalçılar tərəfindən azad edilmədiyi vurğulanıb.