Parlamentdə yumruq davası

Gürcüstan parlamentində dava düşüb.

Vətəninfo.az-ın məlumatına görə, dava müxalif “Vahid Milli Hərəkat” partiyasının üzvü Akaki Boboxidzenin çıxışından sonra başlayıb.
 
“Gürcü arzusu” fraksiyasının üzvləri A. Boboxidzenin qeyri-etik ifadələr işlətməsinə yumruqları işə salmaqla etiraz ediblər. Soso Caçvliani, David Lortkipanidze və A. Boboxidze arasında baş vermiş əlbəyaxaya parlamentin əksər deputatları qoşulub. Bu üzdən də parlamentin sədri iclası dayandırmaq məcburiyyətində qalıb.

Təhlükəsizlik əməkdaşlarının müdaxiləsindən sonra iclası davam etdirmək mümkün olub.

“Vahid Milli Hərəkat” partiyasının üzvü Serqo Ratiani bildirib ki, A. Boboxidze “Gürcü arzusu” fraksiyasının deputatlarından birinin nalayiq ifadələrinə cavab olaraq qeyri-etik sözlər işlədib.