Moderator.az xəbər verir ki, bu haqda Paşinyan özü sosial şəbəkədə paylaşım edib. Düşmən hökumət başçısının yazdığına görə, arvadı, oğlu və qızları ilə  birlikdə Kəlbəcər rayonumuzun  "Nor Qetaşen”("Yeni Çaykənd”) adlandırılmış kəndlərindən  birində, yol kənarında yerləşən "Ari Resort” istirahət kompleksindəki restoranda dincəlməyi qərara alıblar. Restoranda yeyib-içib əyləndikdən sonra Paşinyan ofisianta hesabı ödəyərək qəbz tələb edib.  Lakin restoran əməkdaşları guya aparatda problem olduğunu söyləyiblər, ancaq əslində qəbzi vura bilməyiblər. Bundan da Paşinyan belə nəticə çıxarıb ki, deməli, həmin restoranda, ümumiyyətlə, qəbz vurulmur və müdiriyyət bu yolla vergidən yayınır,  heç kəs də qəbz tələb etmir. O, bununla bağlı Ermənistan və Qarabağdakı ermənilərə müraciət edərək hər kəsin hər hansı xidmət üçün, o cümlədən restoran və kafelərdə qəbz tələb etmələrini tövsiyə edib. 

Xatırladaq ki, Kəlbəcərdəki bəhs edilən restoran ötən ilin iyununda  qəndarma separatçı rejim rəhbəri Bako Saakyanın iştirakı ilə açılıb. Moderator.az bu haqda  məlumat verib.