ABŞ-ın ilk qaradərili keçmiş prezidenti Barak Obama Ağ evdə, Oval kabinetindəki "qırmızı düymə"dən çay sifariş vermək üçün istifadə edib. İstiPress-in məlumatına görə, bu sirri britaniyalı milyarder, "Virgin Group" holdinginin rəhbəri Riçard Brendson özünün avtobioqrafik "Finding my Virginity" kitabında açıb. 

"Obama deyirdi ki, daha əvəllər bu düymələr fövqəladə hallarda istifadə edilirdi. Amma indi qonaqlara çay və ya kofe sifariş verir".

Qeyd edək ki, Obama "qırmızı düymə"dən təyinatından kənar istifadə edən yeganə prezident deyil. Bu ilin aprel ayında amerikalı jurnalistlər qalmaqallı yeni prezidentləri oln Donald Trampın da ondan öz sifarişləri üçün istifadə etdiyini yazmışdılar. Tramp "cola" istəyəndə onu basır. 

"Qırmızı düymə" - xüsusi sistemin ənənəvi adıdır. Dünya supergücləri bu düymə ilə qitələrarası raketləri hərəkətə sala bilir. Əslində bu sistemə qutu daxildir. Onun içərisində isə məxsusi hazırlanmış avadanlıq və informasiya yer alıb.