Miq.Az xəbər verir ki, bu barədə Rusiya prezidentinin mətbuat xidməti məlumat yayıb.

Telefon danışığı zamanı Putin və Əliyev bir-birini İkinci Dünya Müharibəsindəki qələbənin 76-cı ildönümü münasibətilə təbrik ediblər.

Hər iki ölkənin qəhrəmanlıq tarixini ehtiramla yad etdiklərini və misilsiz igidlik nümayiş etdirən qəhrəmanlara dərin minnətdarlıqlarını bildiriblər.

Liderlər Rusiya-Azərbaycan əməkdaşlığının hərtərəfli inkişaf etdirilməsi istiqamətində fəaliyyətlərini davam etdirəcəklərini təsdiqləyiblər və müxtəlif səviyyələrdə əlaqələrin davam etdirilməsi barədə razılığa gəliblər.