“Qafqazın Konservatoriyası” adlı sənədli filmin hazırlıqlarına başlanılıb

Sağlam İnkişaf və Maarifləndirmə İctimai  Birliyi bu gün erməni işğalı altında olan Qarabağın tacı Şuşa şəhəri ilə bağlı  “ Qafqazın Konservatoriyası”  adlı ingilis dilində qısametrajlı sənədli filmin çəkilişinin  hazırlıqlarına başlayıb.  

Bu barədə "Vətəninfo.az"a layihənin rəhbəri, Sağlam İnkişaf və Maarifləndirmə” İctimai Birliyinin sədri Anar Xəlilov bildirib: “Film Azərbaycan Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə   hazırlanacaq. Biz bu filmin hazırlanmasında komanda şəklində bütün səylərimizi birləşdirərək çalışacağıq. Filmdə məqsəd Şuşa şəhərinin tarixi haqqında  zəngin musiqi, digər mədəni sahələri, dünya şöhrətli musiqi xadimləri eyni zamanda gözəl təbiəti, işğal nəticəsində dağıdılmış qiymətli abidələri və s. haqqında sujetləri hazırlamaq və dünya ictimaiyyətinə təqdim etməkdir. Erməni təbliğat maşını guya Şuşanı “ermənilərin mədəniyyət” mərkəzi kimi riyakarlıqla bu gün təqdim etməyə çalışır,  heç bir faktlara söykənməyən saxtakarlıqılarla dünya ictimaiyyətin çaşdırmağa səy göstərirlər”,deyə təşkilat sədri qeyd etdi.

Təşkilat sədri onu da əlavə edib ki, bu filmin hazırlanması ilə biz bu çirkin təbliğatın qarşısının alınması istiqaqmətində öz kiçik də olsa töhvəmizi vermiş olarıq: “Nəzərə alsaq ki, hal-hazırda Şuşa şəəhrinin YUNESKO tərəfindən Azərbaycanın tarixi musiqi şəhəri kimi qeydiyyat alınması istiqamətində iş gedir, bu baxımdan düşünürük ki, layihənin gerçəkləşməsi eyni zamanda bu proseslə üst-üstə düşür.  Filmin ərsəyə gəlməsi layihənin yüksək keyfiyyətlə tamamlanmasından daha çox Qarabağ probleminin beynəlxalq səviyyədə ictimailəşməsində bu torpağın övladı olaraq vəzifə borcumuzdur”deyə, layihə rəhbəri söyləydi.

Elnur Eltürk