“Qərbə Ermənistanda zəif hakimiyyət lazımdır”

Ter-Petrosyan: “Çünki belə hakimiyyəti ələ almaq asandır”

Ermənistanın ilk prezidenti, Erməni Milli Konqresinin lideri Levon Ter-Petrosyan Ararat vilayətində seçicilərlə görüşündə şok açıqlamalar verib. 

O, açıqlamaların birində deyilib ki, Ermənistanda hakimiyyəti dəyişməyə qoymayan Qərbdir. 

"Vətəninfo.az"-ın Mediaforum.az saytına istinadən verdiyi məlumata görə, Ararat vilayətinə mayın 6-da keçiriləcək parlament seçkisi kampaniyasında səfər edən Ter-Petrosyan bildirib ki, Qərbə Ermənistanda zəif hakimiyyət lazımdır, çünki belə hakimiyyəti ələ almaq asandır: “Hansı hakimiyyət erməni soyqırımını araşdırmaq üçün müştərək komissiyanın yaradılmasına razılıq verə bilərdi? Serj Sərkisyan 2007-ci ildə belə bir vəd verib, “Vikiliks” sənədlərində bunlar hamısı var. Sərkisyan seçkidən əvvəl Dağlıq Qarabağ probleminin Madrid prinsipləri əsasında həllinə razılışacağına da söz vermişdi. Bu həmin sənədlərdir ki, 1996-cı ildə xarici təzyiqlərə baxmayaraq ona veto qoymuşdum”

 Ter-Petrosyan özünün prezidentliyi dövründə qorxu atmosferinin olmadığını, Azadlıq meydanında səhərdən axşama qədər mitinqlərin keçirildiyini vurğulayıb: “Son bir neçə ildə 100-dən çox mitinqin keçirilməsinə qadağa qoyulub. Biz bu azadlığı sizə qaytarmaq üçün qayıdırıq”.