Cebhe.info rus mətbuatına istinadən xəbər verir ki, Qorbaçov dövlət sirrini yaymaqda ittiham olundu.  Yayılan sənədlərdə Yeltsin və Qorbaçovun SSRİ-yə aid məsələləri, eləcə də gələcək inkişafla bağlı məqamları müzakirə etdiyi görünür.  Sənədlə tanış olan İctimai Palata üzvü Georgi Fedotov Baş Prokurorluğa müraciət edərək söhbətlərin məzmunun dövlətə xəyanət və dövlət sirrini yaymaq ittihamları ilə mühakiməyə cəlb edilməsi imkanlarının araşdırılmasını istəyib.  Qəzetdə dərc olunan stenoqramlar 1991-ci ilin 8 və 25 dekabr tarixlərindəki telefon söhbətlərini əks etdirir. Məlumata görə, MDB-nin yaradılması barədə saziş imzalandıqdan dərhal sonra- 8 dekabr 1991-ci ildə Boris Yeltsin ABŞ prezidentinə zəng edib. Telefon söhbəti 28 dəqiqə davam edib. Bundan 2 həftə sonra, 25 dekabrda ABŞ prezidentinə SSRİ-nin ilk və son prezidenti Mixail Qorbaçov zəng edib. Bu dəfə söhbət 28 dəqiqə sürüb.  İctimai Palata üzvü Georgi Fedorov belə hesab edir ki, bu danışıqların məzmunu hər iki prezidentin ABŞ-a işlədiyini və SSRİ-ni bilərəkdən dağıtdıqlarını göstərir. "Bu insanlar satqındır” deyən İctimai Palata üzvü Baş Prokurorluqdan məsələnin araşdırılmasını istəyib.  Mətbuat xatırladır ki, əvvəllər Cinayət Məcəlləsinə görə, bu maddələrdə ittiham olunan şəxs dərhal güllələnırdi. Beləliklə, Qorbaçovun güllələnməsini mümkün edən sirri açıqlanıb