"Cənub qaz dəhlizi siyasi layihə deyil"

Cənub qaz dəhlizi siyasi layihə deyil, tam olaraq kommersiya layihəsidir. Biz bu layihəni beynəlxalq tərəfdaşlarımız ilə bərabər həyata keçiririk. Bu, Asiyadan, Avropadan, qərb və şərq ölkələrindən olan şirkətlərdir.

Vətəninfo.az-ın məlumatına görə, Oxu.Az xəbər verir ki, bu barədə “EurActiv”ə verdiyi müsahibəsində Azərbaycan Dövlət Neft Şirkətinin (SOCAR) vitse-prezidenti Vitali Bəylərbəyov bildirib.
Onun sözlərinə görə, layihə tərəfdaşları arasında “Şah Dəniz 2” layihəsində payı olan Rusiyanın Lukoil, İranın NİCO, Britaniyanın BP, Malayziyanın Petronas və Türkiyənin TPAO şirkətləri yer alır.
“Avropa müştərilərimizə gəldikdə isə, bu əsasən Shell, Gaz de France, Gas Natural of Spain, italyan şirkəti ENEL və Hera kimi iri Avropa şirkətləridir. Burada reklam işləmir. Burada biznes prinsipləri işləyir. Əgər onun alınmasına, realistikliyinə və həyata keçməsinə inam olmasaydı, heç kim 45 milyardlıq layihədə və “Şah Dəniz 2” layihəsində iştirak etməzdi”, - V.Bəylərbəyov bildirib.
SOCAR-ın vitse-prezidenti qeyd edib ki, “Şah Dəniz 2” layihəsi çərçivəsində hasilat 2018-ci ildə başlamalıdır:
“Həmin il qaz Türkiyəyə, Əskişəhərə çatdırılacaq. 2020-ci ilin əvvəllərində bizim Yunanıstan, Bolqariya və İtaliyadakı müştərilərimizə “Şah Dəniz” yatağından qaz çatdırılacaq”.