"Ketçupunuz kiçik yaşlı insanlar üçün deyil"

Daniel Korell adlı Almaniya vətəndaşının aldığı ketçup şüşəsinin üzərindəki QR kodunun porno məzmunlu olması ölkədə günün mövzusu olub.

Vətəninfo.az-ın məlumatına görə, Publika.az xarici mediaya istinadən xəbər verir ki, vətəndaş aldığı "Heinz" markalı ketçupun üzərindəki QR kodu mobil telefonla internetdə axtarışa verib.
O, şirkətin internet saytının açılmasını gözlədiyi halda, QR kodu vətəndaşı Almaniyanın porno saytlarından birinə yönləndirib. Korell "Facebook" səhifəsində mövzu ilə bağlı "Ketçupunuz kiçik yaşlı insanlar üçün deyil" sözlərini yazıb.
"Heinz" şirkəti hadisə ilə əlaqədar sosial media vasitəsilə üzr istəyib.
Almaniyanın porno saytı isə Korellə əlaqə saxlayaraq ona 1 il ödənişsiz üzvlük haqqı verəcəklərini bildirib.