"Xaricdə təhsil alan tələbələrimizin ictimai fəallığı xeyli artsa da istənilən səviyyədə deyil"

Bu sözləri "Vətəninfo.az"a KİV və PR texnologiya eksperti Əli Hacızadə azərbaycanın təbliğatında xaricdə yaşayan və təhsil alan tələbələrin rolunu şərh edərkən bildirib.

"Burada bir neçə faktor rol oynayır, bunların içərisində səfirlik və konsulluqlarımızın tələbələrlə kifayət qədər effektiv iş apara bilməməsi, tələbənin təhsil aldığı konkret ölkədə olan azərbaycan diasporasının və ya diaspor təşkilatlarının zəifliyi və tələbələrin özlərinin bu işə az maraq göstərməsidir. Əlbəttə bunu hamıya şamil etmək olmaz, amma belə hallar çoxluq təşkil edir. Azərbaycanın diplomatik nümayəndəlikləri, diaspor təşkilatları və tələbələr öz fəaliyyətlərini koordinasiya etməli və vahid bir şəkildə hərəkət etməlidirlər. Bizim xaricdə təhsil alan tələbələrimizn, Azərbaycanın təbliğatında və informasiya müharibəsində öz sözlərini demək üçün çox yaxşı imkanları var.  Onlar bunu həm təhsil aldıqları universitetlərdə edə bilərlər, həm internetdə, həm də kiminsə bəxti qətirsə həmin ölkənin KİV-lərində edə bilərlər, qalır sadəcə bunu istəmək".

Elnur Eltürk