Rəqqasənin yaradıcılıq gecəsi keçiriləcək

 Dekabrın 20-də Respublika İncəsənət Gimnaziyasının Xoreoqrafiya şöbəsində rəqqasə, aktrisa və pedaqoq Rimma Məmmədovanın yaradıcılıq gecəsi keçiriləcək. Gecənin təşkilatçısı tanınmış rəqqas, Respublika İncəsənət Gimnaziyasının Xoreoqrafiya şöbəsinin müdiri Tahir Eynullayevdir. T.Eynullayevin Vətəninfo.az-a verdiyi məlumata görə, yaradıcılıq gecəsində rəqqasənin şagirdləri, gimnaziyanın müəllimləri, vaxtilə Rimma xanımdan dərs almış tanınmış incəsənət xadimləri iştirak edəcək. Xatırladaq ki, R.Məmmədova uzun illər Bakı Xoreoqrafiya Məktəbinə rəhbərlik edib. Rəqqasə aktrisa kimi də tanınır. O, 1960-cı ildə qısametrajlı “Mollanın sərgüzəştləri”, 1961-ci ildə “Bizim Küçə” və s. filmlərdə müxtəlıf obrazlar yaradıb.

Vətəninfo.az