Rəşad Mahmudov Bakı Ürək Mərkəzindəki işindən ayrıldı

Millət vəkili, Azərbaycanın tanınmış kardiocərrahı, tibb elmləri doktoru Rəşad Mahmudov Bakı Ürək Mərkəzindəki işindən ayrılıb.

Miq.az saytının əməkdaşının bu xəbərlə bağlı sualını cavablandıran Rəşad Mahudov xəbəri təsdiqləyib. Onun sözlərinə görə, Bakı Ürək Mərkəzi ilə bağladığı müqavilənin müddəti mayın 18-də başa çatıb. "Müqavilənin müddətinin bitməsi səbəbindən həmin müqaviləyə qarşılıqlı olaraq xitam verildi"-deyə kardiocərrah əlavə edib. Respublika Müalicəvi Diaqnostika Mərkəzinin nəzdində "Ürək Mərkəzi” ötən ilin may ayında yaradılıb. Rəşad Mahmudov ilk gündən həmin Mərkəzdə kardiocərrah kimi fəaliyyət göstərirdi.