Tədbir zamanı Rusiya Prezidenti iki oğlan uşağının (Timofey Tsoy və Miroslav Askirko) coğrafiyadan biliklərini yoxlamaq məqsədilə onlara sual verib.

Ünsiyyət zamanı Miroslav deyib ki, «bütün paytaxtları və bütün ölkələrin konturlarını bilir». O zaman Putin uşaqdan soruşub: «Rusiyanın sərhədləri harada qurtarır?». Cavab belə olub: «Rusiyanın sərhədi ABŞ-la Berinq körfəzində qurtarır». Prezident uşağı dayandıraraq, deyib: «Rusiyanın sərhədləri heç yerdə qurtarmır». Sonra isə gülərək, əlavə edib: «Bu, zarafatdır».

Məlumat üçün bildirək ki, Putin Rus coğrafiya cəmiyyəti xeyriyyəçiləri şurasının sədridir.