“Şahdəniz” layihəsi Londonda müzakirə edilib

ARDNŞ-in Böyük Britaniyada səfərdə olan ekologiya üzrə vitse-prezidenti Rəfiqə Hüseynzadə martın 26-da Londonda “bp” şirkətinin “Şahdəniz” layihəsi üzrə vitse-prezidenti Alasdayr Kukla görüşüb. ARDNŞ-in mətbuat xidmətindən “Vətəninfo.az”a verilən məlumatda deyilir ki, görüşdə “Şahdəniz” layihəsi üzrə ekoloji risklər, layihənin ətraf mühitə təsirinin qiymətləndirilməsi, “Şahdəniz-2” fazasına hazırlıq işləri barədə məsələlər müzakirə olunub. “Bp”-nin Azərbaycanda həyata keçirdiyi əvvəlki layihələr nəzərə alınaraq “Şahdəniz-2” layihəsi çərçivəsində daha yüksək ekoloji tələblərə uyğun avadanlığın quraşdırılması tövsiyə olunub.