Şahzadənin şərəfinə qızıl sikkə

Böyük Britaniya şahzadəsi Uilyam və Keyt Middltonun qızının adı məlum olub. Simsar.az xarici KİV-ə istinadən xəbər verir ki, Kensinqton sarayı Kembricin yeni doğulmuş şahzadəsinin adını açıqlayıb. Şahzadəyə Şarlotta Yelizaveta Diana adı verilib. Böyük Britaniyada yeni doğulmuş şahzadənin şərəfinə 10 min qızıl və gümüş sikkə kəsəcəklər.
Böyük Britaniyanın Kral Sikkəxanasında ilk olaraq 5 funtluq (7,6 dollar) sikkənin şəkli nümayiş etdirilib. Kraliça II Yelizavetanın, şahzadənin valideynlərinin və Britaniya maliyyə nazirinin razılığı ilə buraxılan sikkənin üzərində bu sözlər yazılıb: "İkinci uşağın anadan olması şərəfinə". Sikkənin mərkəzində şahzadənin valideynlərinin titulları yer alıb: "Kembric hersoqu və hersoginyası". Burada əksini tapan "2015" rəqəmi isə Kral ailəsində artımın baş verməsinin işarəsidir. Çəkisi 40 qrama qədər olan 88 əyarlı cəmi 500 ədəd qızıl sikkə buraxılacaq. Digərləri isə 28 qramlıq gümüşdən ibarət olacaq.
Qeyd edək ki, körpə hersoqun və Kembric Hersoqinyasının ailəsində mayın 2-də səhər doğulub. O Kembric şahzadəsi titulunu daşıyacaq, babasından, atasından və qardaşından sonra Britaniya taxtına varislik növbəsində dördüncü yeri tutacaq.