Səlim Müslümov universitetdəki işindən ayrıldı

Əmək və əhalinin sosial müdafiəsi naziri Səlim Müslümov Bakı Biznes Universitetinin Maliyyə kafedrasının müdiri vəzifəsindən çıxıb.

Vətəninfo.az xəbər verir ki, bu barədə azvision.az-a universitetdən məlumat daxil olub. Bildirilib ki, nazir uzun müddətdir ki, dərslərə gəlmədiyi üçün kafedra müdiri vəzifəsindən öz istəyi ilə kənarlaşıb.

Bildirilib ki, hazırda Maliyyə kafedrasının yeni müdiri Vəfa Nəcəfovadır. O, yeni tədris ilindən vəzifəsinin icrasına başlayıb.

"Qafqazinfo" məlumatı dəqiqləşdirmək məqsədi ilə Bakı Biznes Universiteti ilə əlaqə saxlayıb. Faktı oradan da təsdiqləyiblər.

Qeyd edək ki, Səlim Müslümov Azərbaycan Respublikasının Əmək və əhalinin sosial müdafiəsi naziridir.