Sənətçilər prezidentin mükafatından danışdılar

Azərbaycan prezidenti İlham Əliyev mədəniyyətinin inkişafındakı xidmətlərinə görə bir qrup mədəniyyət xadiminə fəxri adların verilməsi haqqında Sərəncam imzalayıb.

“Vətəninfo.az” mükafatlandırılan incəsənət xadimləri ilə əlaqə saxlayıb və onların fikrini öyrənib. 

Müğənni Azər Zeynalov bildirdi ki, prezident İlham Əliyev ümummilli lider Heydər Əliyevin qoyduğu ənənəni davam etdirir: 

“Biz, bütün incəsənət xadimləri cənab prezidentə bu diqqət və qayğıya görə dərin təşəkkürümüzü bildiririk. Mən mükafat alacağımı gözləmirdim və bu haqda düşünmürdüm”.

Muğam ifaçısı Nəzakət Teymurova isə qeyd etdi ki, İlham Əliyevə göstərdiyi diqqət və qayğıya görə minnətdardır. 

Könül İbrahim