Sərkisyan spiker olmaq istəmir

Ermənistan prezidenti Serj Sərkisyan hakim Respublika Partiyasının icra orqanının iclasında deyib ki, konstitusiya islahatlarından sonra onun parlament spikeri olmaq fikri yoxdur.

Vətəninfo.az-ın məlumatına görə, Virtualaz.org saytı erməni KİV-lərinə istinadən xəbər verir ki, bu haqda hökumət aparatının rəhbəri, nazir David Arutyunyan bildirib.

D.Arutyunyan xatırladıb ki, Sərkisyan bundan əvvəl islahatlardan sonra baş nazir olmaq fikrinin də olmadığını demişdi. Həmçinin o, üçüncü müddətə prezident olmaq fikrində deyil.

Ermənistanda Sərkisyanın təqdim etdiyi konstitusiya islahatları paketinə görə, prezidentin səlahiyyətləri azaldılacaq, parlamentin səlahiyyətləri artırılacaq, hökuməti parlamentdə çoxluq təşkil edən partiyalar formalaşdıracaq.

Ehtimal edilir ki, bu islahatlar Sərkisyanın hakimiyyətinin ömrünü uzatmaq üçündür. Ermənistan Konstitusiyasına görə, Sərkisyanın üçüncü müddətə prezident seçilmək imkanı yoxdur.