Siyavuş Novruzov jurnalistlərə müraciət etdi

Yeni Azərbaycan Partiyasının icra katibinin müavini, Milli Məclisin deputatı Siyavuş Novruzov “facebook” sosial şəbəkəsinə qoşulmasının ardınca jurnalistlərə ünvanlanan müraciət yayıb.

Vətəninfo.az-ın  teleqraf.com-a istinadən məlumatına görə, S.Novruzov jurnalistlərə ünvanlanan statusunda onu narahat etməməyi xahiş edib:
“Əziz jurnalistlər, bizim təmas imkanlarımız “facebook”dan kənardan onsuz da sıxdı. Telefonum hamınızda var, vaxtaşırı tədbirlərdə görüşürük. Ona görə sizdən rica edirəm, heç olmaya burada imkan verin, cəmiyyətin başqa təbəqələri ilə təmas quraq. Mən sizin bütün suallarınıza cavab verməyə hazıram, amma siz də məni anlamağa çalışın. Bu profili yaratmaqda əsas məqsədlərdən bir odur ki, görüşməyə zaman və fiziki səbəblər ucbatından macal tapmadığımız digər vətəndaşlarımızla fikir mübadiləsi edim. Ümidvaram, mənim bu sözlərimi düzgün qarşılayacaqsınız. Jurnalistlər bizim dostlarımızdı, təsadüfü deyil ki elə bu günlərdə cənab Prezident Mətbuatın 140 illiyi ilə bağlı sərəncam da verdi”.