Suriyada 76 min adam ölüb

Suriyada dörd ildir ki, davam edən münaqişə ərzində ən çox ölüm halları 2014-cü ilə təsadüf edir.

Vətəninfo.az-ın məlumata görə, Britaniyada yerləşən Suriya İnsan Haqları Rəsədxanası son il ərzində 76 000 adam öldürüldüyünü açıqlayıb. Ölənlərdən 17 790 nəfər mülki şəxs olduğu bildirilir.

Bu arada İraqdakı münaqişələr nəticəsində 2014-cü ildə 15 000 adam həlak olub. Bu, 2007-ci ildən bəri ölkədə ən ölümcül il sayılır. Zorakılığın böyük hissəsi, hər iki ölkədə İŞİD və digər silahlı qrupların münaqişəsi nəticəsində baş verib.

Həmçinin İŞİD döyüşçülərinə qarşı ABŞ-ın təşəbbüsü ilə həyata keçirilən hava zərbələri, Suriyada hökumət qoşunları ilə üsyançılar arasında döyüşlər və İraqda təriqətlər arasında zorakılıq ölümlərin sayını xeyli artırıb.

Məlumata görə, 2014-cü ildə ölənlər arasında 3 500-dən çox uşaq da var