Gözlənildiyi kimi prezident aparatının rəhbəri Vigen Sərkisyan müdafiə naziri postunda Seyran Ohanyanı əvəzləyib. Prezident Serj Sərkisyanın digər sərəncamı ilə xarici işlər nazirinin səlahiyyətlərini icra edən Edvard Nalbəndyan yenidən bu vəzifəyə təsdiq olunub.

Minasyan bildirib ki, onun məlumatına görə silahlı qüvvələrin Baş qərargah rəisi Yuri Xaçaturov da vəzifədən azad ediləcək, milli təhlükəsizlik şurasının katibi təyin olunacaq. Onun yerini isə müdafiə nazirinin maddi-texniki təchizat üzrə müavini, Dağlıq Qarabağın keçmiş "müdafiə naziri” Movses Akopyan tutacaq./Virtualaz.org/