Türkiyə ordusu yaxın vaxtlarda İŞİD-ə qarşı geniş miqyaslı hərbi əməliyyata başlayacaq

"Yaxın vaxtlarda Türkiyə Silahlı Qüvvələrinin İŞİD-ə qarşı geniş miqyaslı hərbi əməliyyata başlayacağı gözlənilir”.

 APA-nın "Milliyət” qəzetinə istinadən verdiyi xəbərə görə, bunu İŞİD-ə qarşı koalisiyaya üzv olan ölkələrdən birinin adı açıqlanmayan nümayəndəsi deyib.

 Ankaradakı nümayəndə bildirib ki, əvvəllər Türkiyənin təkbaşına İŞİD-in mövqelərinə hava zərbələri endirməsini istəməyiblər: "Hava əməliyyatları koalisiya qüvvələri ilə birlikdə aparılmalıdır”.

 Türkiyənin İŞİD-ə qarşı həyata keçirdiyi hava əməliyyatlarının davam etdiriləcəyini vurğulayan nümayəndə qeyd edib ki, Türkiyə hərbi əməliyyatlar vaxtı ərazisindəki bir neçə hərbi bazanın istifadə olunmasını təklif edib.

 Nümayəndə PKK-nı terror təşkilatı kimi tanıdıqlarını da bəyan edib.

Vətəninfo.az