“Türkiyəni Topqapı yox, bazar idarə edir”

“Türkiyə Krımın ilhaqına görə tətbiq olunan sanksiyaları pozanlar sırasında Rusiyadan sonra ikinci yerdədir”.

Vətəninfo.az-ın məlumatına görə, bu açıqlama ilə Ukraynanın İstanbuldakı keçmiş baş konsulu Boqdan Yaremenko çıxış edib. O, Türkiyənin Krım məsələsində ikili standartlar tətbiq etdiyini bildirib:

 
“Ərdoğanın “Türkiyə Krım tatarları məsələsində müəyyən liderlərin yox, xalqın tərəfində olacaq” sözlərində diplomatik heç bir şey yoxdur. O, Krımoğlu və Çubarovla oynayır. Türkiyə NATO çərçivəsində Krımın ilhaqını qınayan çıxışlarına davam edəcək. Türkiyənin bu siyasətinin fonunda isə türk gəmiləri Krıma daşımalarını təxirə salmayacaq. Türkiyə Krımın ilhaqına görə tətbiq olunan sanksiyaları pozanlar sırasında Rusiyadan sonra ikinci yerdədir. Ərdoğan AB və ABŞ-ın Rusiyaya qarşı tətbiq etdiyi sanksiyalardan istifadə edərək Türkiyənin ixracatını artıracaq. Osmanlı dövründən bəri ölkəni Topqapı yox, bazar idarə edir“.