Vətəninfo.az Avropa.info-ya istinadla xəbər verir ki, Şırnakın Silopi rayonunda PKK tərəfdarlarının bəzi küçələrdə qazdığı xəndəyi basdırmaq üçün gələn polisə odlu silahlardan atəş açılıb. 

4 saat davam edən silahlı insident zamanı 3 nəfər öldürülüb. PKK tərəfdarlarının qumbaraatandan istifadə etməsi zamanı da bir nəfər polis əməkdaşı yaralanıb. 

Bundan başqa Ağrının Doğubəyazid rayonu ilə Vanın Çaldıran rayonunu birləşdirən avtomagistralı kəsən terrorçular 5 uzun yük avtomobilini girov götürüblər. 

Daha sonra yük maşınlarını yandıran terrorçularla hadisə yerinə gələn polis arasında qarşıdurma yaranıb. 

Hadisə zamanı bir əsgər həlak olub. Bölgədə əməliyyatlar davam etdirilir.