Vətən şəhidləri

Günay İbrahimova Neftçala rayonu Xıllı qəsəbə 1 saylı orta məktəbin müəllimi

Düşmənin bağrına sipər çəkdiniz
Torpağın qoynuna mərdlik əkdiniz
Bir sevda uğruna qurban getdiniz
Vətəni özünə canan bilənlər
Can deyib uğrunda canı verənlər.

Heç nə düşünmədiz heç nə ummadız
Vətən torpağını əkdiz qoruduz
Qorqudun yurduna sahib çıxdınız
Başıma tac etdiyim bəylər ərənlər
Torpağı uğrunda şəhid düşənlər.

Koroğlu ruhuyla silahlandınız
Babəkin bəzzindən alov aldınız
Qaranlıq yolları işıqlandırdınız
Azadlıq carçısı siz ey xürrəmlər
Azadlıq uğrunda şəhid düşənlər.

Türkü kainata ata yapdınız
Atəşə tapdınız oda tapdınız
Tanrı dərgəhına siz ucaldınız
Allahın yolunu doğru bulanlar
Həqiqət uğrunda şəhid olanlar.

Millətə bu canı qurban dediniz
Varı, yoxu, canı qurban dediniz
Yox qurban demədiz, qurban verdiniz
Yaşamaq haqqını qurban verənlər
Sevdası uğrunda candan keçənlər.