Xərçəng diaqnozu qoyulan əməkdar artist şok keçirdi

Əməkdar artist, tanınmış aktrisa Gülnar Salmanovadan xəbər var. Döşündə xərçəng aşkarlanan aktrisanın diaqnozunun düzgün qoyulmadığı bəlli olub.

Vətəninfo.az Publika.az-a istinadla xəbər verir ki, bu barədə açıqlama verən Gülnar xanım şad xəbərin şokundan hələ çıxmadığını deyib: “Bir müddət öncə həkimlər döşümdə şiş aşkarlamışdılar. Bir yandan böyrək çatışmazlığı, həyata ümidimi itirmişdim. Bu günlərdə həkimə getdim, müayinə olunanda həkim gözlərinə inanmadığını dedi. Döşümdəki şiş çəkilmişdi. Sən demə, bu, adi düyün imiş, həkimlər bunu xərçəng kimi qələmə veriblər. Şad xəbərdən şok keçirdim. İndi artıq bir dərdim var, o da böyrəyimin dəyişdirilməsi. Böyrək əməliyyatı olarsa, dünyaya yenidən gəlmiş olaram”.