Xristianlara təzyiqlər artıb

Xristianlara qarşı qeyri-mehriban sayılan 50 ölkədən 40-da əsas mənfi amil islamçı ekstremizmdir.

Vətəninfo.az-ın məlumatına görə, bu barədə  xristianların dünya boyu təqiblərinə həsr edilən illik hesabatda deyilir.

Open Doors adlı Britaniya-İrlandiya təşkilatının məlumatına əsasən 2014-cü ildə Yaxın Şərqdə İslam Dövlətinin peyda olunmasından sonra bölgədən xristian əhalisinin axını artıb.

Nigeriyada dini mənsubiyyətinə görə 2 500 xristian öldürülüb. Başqa ölkələrlə müqayisədə bu, ən yüksək rəqəmdir.

Xristianlar üçün ən təhlükəli 12 ölkədən doqquzu Afrika qitəsində yerləşir. Xristianlar üçün ən təhlükəli ölkə isə Şimali Koreya hesab olunur.