Yaşadın it günündə

Qalib Şəfahətin qələmindən

İTƏ  DÖN

Daha bir fərqiniz yox,

Elə it kimi hür sən.

Səni saya salmazlar

Səsin batsa,kirisən.

 

Yaşadın it günündə,

Baxışın it baxışı.

Qapırsan əldən it tək,

Fərqiniz, tək göz yaşın.

 

Kim olsa tut budundan,

Səndən uzaq qaçarlar.

Yoxsa fağır bilərlər,

Zəncirindən açarlar.

 

Gecələr ula evdə,

Bilsinlər it saxlarsan.

Gecələr it boynu tək,

Boynunu qucaqlarsan.

 

Öləndə kimsəsiz öl,

Desinlər bir it ölüb.

Dünən bu adam idi,

Bu gün lap itə dönüb.

 

YAŞIM TƏRİF GÖTÜRMÜR

Bu yaşı mən yaşadım,
Bu yaş mənim yaşımdı.
Bu yaşın üstə gəzən,
Hələ mənim başımdı.

Yaşıma tərif söylər,
Çoxu cavansan deyər.
Bu yaşı mən böyütdüm,
Bu yaş canımı yeyər.

Keçirdim od-alovdan,
Keçdim borandan-qardan.
Əynimə girərmi heç,
Görən olar haramdan?..

Yaşıma tərif deyən,
Yaşıma sataşan var.
Yaşın oxşamır deyib,
Yaşıma daş atan var.

Bu yaşı mən keçirəm,
Bu yaş məndən heç keçmir.
Yaşa bel bağlamıram,
Gözüm ondan su içmir.

Yaşıma tərif deyən,
Yaşım tərif götürmür.
Adamı yola salır,
Heç adamı ötürmür.


BAXMIR ÜRƏYİNƏ


Nə vaxtdır
O qiz yıxılıb,
Qalıb ürəkdə…
əlindən tutub,
qaldıran da yoxdu.
Bəlkə ayağı sınıb,
Başı partlayıb.
Ürək sahibinin də,
Mər həmət gəlsin ürəyinə.
Ürəyindən xəbəri yox.
Heç baxmır ürəyinə.
Bəlkə ölüb-qalan var,
Ağzinda dili yanan var
Bir damcı suya
Ehtiyacı olan var.