1. Miq.az
  2. Yəməndə 10 milyon uşağın yardıma ehtiyacı var

Yəməndə 10 milyon uşağın yardıma ehtiyacı var

Yəməndə 10 milyon uşağın yardıma ehtiyacı var
Tarix: 03.10.2015 11:45
Baxış sayı: 303

BMT-nin Uşaqlara Yardım Fondu (UNİCEF) Yəməndə mart ayından bu günə qədər davam edən münaqişələrdən əziyyət çəkən 10 milyon uşağın təcili yardıma ehtiyacı olduğunu açıqlayıb.
Vətəninfo.az-ın məlumatına görə, "Report" xarici mətbuata istinadən xəbər verir ki, bu barədə UNİCEF-in rəsmisi Kristof Bulirak BMT-nin Cenevrədəki ofisində keçirilən mətbuat konfransında deyib.

Onun sözlərinə görə, fasiləsiz davam edən toqquşmalarda 6 ayda azı 505 uşaq ölüb, 702-si yaralanıb: "1-5 yaşında olan yarım milyondan çox uşaq aclıq təhlükəsi ilə üz-üzə qalıb. Təxminən 10 milyon uşağın isə yardıma ehtiyacı var".

Ölkədəki humanitar vəziyyətin hər keçən gün pisə doğru dəyişdiyini deyən UNİCEF rəsmisi əlavə edib ki, 20 milyondan çox insan təmiz içməli su tapmaqda çətinlik çəkir.

BMT-nin İnsan Haqları Üzrə Ali Komissarlığının yaydığı son statistikaya görə, ölkədə davam edən toqquşmalarda 2 355 vətəndaş həyatını itirib, 4 862 nəfər isə yaralanıb.



Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az