Media kapitanına silahlı hücum

Türkiyənin tanınmış media kapitanlarından - «Star» qəzetinin və «24 TV»nin sahibi Ədhəm Sancağın avtomobilinə iki naməlum şəxs tərəfindən silahlı hücum olub.

Vətəninfo.az-ın məlumatına görə, Strateq.az Türkiyə mətbuatına istinadən xəbər verir ki, hadisə bu gün İstanbulun Halkalı bölgəsində baş verib. Olay zamanı avtomobildə Ə.Sancaq yox, qardaşı - «Star Media Qrup»un İdarə Heyətinin rəhbəri Murad Sancaq olub. M.Sancağın xəsarət almadığı bildirilir.

Hazırda hadisə yerinə xeyli sayda polis cəlb edilib, araşdırma aparılır. Hadisənin terrorçular tərəfindən törədildiyi ehtimal olunur.
Qeyd edək ki, ötən ay «Star» qəzetinin və «24 TV»nin yerləşdiyi binaya da terror hücumu olmuş, ərazidəki bağçaya bomba qoyulmuşdu.