Atası həbsxanada “NİDA”çı oğlu ilə görüşüb

O,Modern.az saytına deyib ki, oğlunun səhhəti normaldır, saxlanma şəraitindən şikayəti yoxdur: "İlkinin əhval-ruhiyyəsi yüksəkdir. Əvvəllər bədənində allergiya var idi. Problem yavaş-yavaş həll olunub. Bütün dərmanlarını müəssisə özü verir”.

Bakir Rüstəmzadə əfv sərəncamının imzalanmasını səbirsizliklə gözlədiklərini deyib: "Kim istəməz ki, əfv olsun?! Ümidimiz Allaha və prezidentin sərəncamına qalır.

Görüş əsnasında heç bir neqativ halla qarşılaşmadıq. İlkinə ancaq yemək və pul aparırıq. Bunlar da qanunla qadağan deyil”.

2013-cü ilin martında tutulan, Bakı İstintaq Təcridxanasında saxlanan "Nida”çı gənclər kütləvi iğtişaşları təşkil etmə cəhdində təqsirli biliniblər. O vaxt 8 "Nida”çı həbs olunub.

Bakı Ağır Cinayətlər Məhkəməsinin hökmü ilə Zaur Qurbanlı, Rəşadət Axundov, İlkin Rüstəmzadə 8 il, Məmməd Əzizov, Rəşad Həsənov 7 il 6 ay, Bəxtiyar Quliyev, Üzeyir Məmmədli 7 il, Şahin Novruzlu 6 il müddətinə azadlıqdan məhrum edilib. Dekabrın 16-da Bakı Apelyasiya Məhkəməsi "Nida”çı gənclər haqda hökmü qüvvədə saxlayıb.

Prezident İlham Əliyevin 2014-cü il dekabrın 29-da imzaladığı əfv sərəncamı iləZaur Qurbanlı və Üzeyir Məmmədi azadlığa çıxıb.Bəxtiyar Quliyev (o, həbsdə olarkən "Nida”dan çıxıb) və Şahin Novruzlu prezidentin əfv sərəncamı ilə 2014-cü il oktyabrın 18-də azad olunublar.