ABŞ-da uşaq ölümünün səbəbi araşdırılıb

Döyülmə, aclıq və ya diqqətsilik səbəbindən ABŞ-da son 8 ayda 786 uşaq dünyasını dəyişib.

Publika.az-ın məlumatına görə, Associated Press Amerikanın 50 ştatında, eləcə də Kolumbiya Mahalında apardığı araşdırma nəticəsində bu faktı əldə edib. Agentliyin məlumatına görə, bəzi ştatlar ölən uşaqların sayını gizli saxlamağa çalışıb.

Araşdırmaların nəticələri 786 uşağın çoxunun 4 yaşa çatmamış öldüyünü göstərib.

Federal hökumətin illik hesabatında deyilir ki, keçən il uşaq ölümlərinin sayı orta hesabla 1650-yə çatıb. Associated Press-n hesabatında isə bu rəqəmin iki dəfə artıq olduğu bildirilir.