ABŞ-dan Azərbaycana dəstək

ABŞ Dövlət Departamentinin rəsmi nümayəndəsi Ceff Ratke Azərbaycanın işğal altında olan Dağlıq Qarabağ bölgəsində mayın 3-də keçiriləcək “parlament seçkiləri”nə münasibət bildiib.
Vətəninfo.az-ın məlumatına görə, Modern.az xarici KİV-ə istinadən xəbər verir ki, Dövlət Departamentinin rəsmisi ABŞ-ın  Dağlıq Qarabağı müstəqil suveren dövlət kimi tanımadığını bəyan edib.
O bildirib ki, məhz bu baxımdan rəsmi Vaşinqton mayın 3-də Azərbaycanın işğal altındakı torpaqlarında yaradılmış separatçı rejimin keçirəcəyi “seçkilər”in nəticələrini qəbul etməyəcək.
Qeyd edək ki, bundan öncə Avropa İttifaqı da Dağlıq Qarabağdakı qondarma rejimdə keçiriləcək “parlament seçkiləri”nə etiraz edib.