Ağdam Musiqi Kollecində korrupsiya

“Vətəninfo.az”a daxil olan məlumata görə, kollecin 400 tələbəsində cəmi 100-ü dərsə gəlir və qalanları Quzanlıda kirayə haqqı verməmək üçün rəhbərliklə anlaşıb, dərsə gəlmirlər.
Məlumatı verən Ağdam rayon sakini Yaşar Fərman oğlu Həsənov bildirib ki, onlar bunun üçün rəhbərliyə 150-200 manat “haqq” ödəyirlər. 103 müəllimdən 20 nəfər işə gəlir ki, onların da maaş kartı direktorun cibindədir. Dərsə gəlməyən tələbələrin də aylıq təqaüdü kollec rəhbərliyinin cibinə gedir. Kollec rəhbərliyi semestr imtahanlarına da haqq qoyub. Tələbə semestr imtahanını yola vermək üçün 400 manatından keçməlidir. Sonuncu kursu bitirənlər isə diplom almaq üçün 2000 manat ödəməlidir.
Mənbə bildirir ki, “pul yığımına” kollecin direktoru Laura Ağayevanın müavini Rafael Musayev başçılıq edir.