Alı Qocayev təmizlik işlərinə başladı

Binəqədi Rayon İcra Hakimiyyətinin başçısı vəzifəsindən Samux Rayon İcra Hakimiyyəti başçısı vəzifəsinə gedişi “Sürgün” kimi qiymətləndirilən Alı Qocayev Samuxda əhali ilə münasibətləri tez bir zamanda qurmağı bacarıb. Samuxdan “Vətəninfo.az”a daxil olan məlumata görə, A.Qocayev bu günə kimi rayonda əhaliyə divan tutan bəzi məmurlarla yollarını ayırıb. Bu məmurlar icərisində eks icra başçısı Vilyam Hacıyevin “sağ qolu” kimi tanınan Təhsil Şöbəsinin müdiri Hidayyət Əhmədovu işindən uzaqlaşdırmaqla “təmizləmə ”əməliyyatına başlayan A.Qocayevin bəzi müavinlərlə də vidalaşacağı deyilir. Məlumata görə, uzun illər V.Hacıyevə müavinlik etmiş Tahir Qarayevdə vəzifəsini itirə bilər. Buna səbəb isə Tahir Qarayevin Alı Qocayevin getmək istədiyi ərazidəki sahələrə, başçının xəbəri olmadan məlumat verməsidir. Məlumata görə, Alı Qocayev rayona təyinatından sonra yerlərdəki işlərlə tanış olmaq üçün əraziyə baxışa çıxan zaman , T.Qarayev başçının əraziyə gəlişi haqqında əvvəlcədən məlumat veribmiş. Bu hal isə Alı Qocayevin xoşuna gəlməyib. Məlumatlı mənbə Alı Qocayevin T.Qarayevdən canını qurtarmaq istəməsinin digər səbəbləri də var.

Kamran