Alimlər üçün istirahət zonası salınacaq

Azərbaycan alimləri üçün “Alimlər şəhərciyi”nin tikilməsi barədə razılıq əldə olunub.

 Azərbaycan Milli Elmlər Akademiyasının prezidenti Akif Əlizadə deyib ki, alimlərlə bağlı daha bir məsələ də dövlət tərəfindən dəstələnərək öz həllini tapıb: “Şamaxının Pirqulu qəsəbəsində alimlər üçün istirahət zonası yaradılacaq və alimlər həmin zonada rahat formada  istirahət edə biləcəklər”. 

  A.Əlizadə deyib ki, Azərbaycan alimləri 2014-cü ildə elm tarixində mühüm yeniliyə imza atıb: “5 ildə aparılan işlər nəticəsində “Dünya palçıq vulkanları atlası” tərtib olunub. Atlas İtaliyada çap edilir. Bu nəşr dünyada ilk dəfə ümumiləşdirilmiş böyük atlasdır. Orada bütün ölkələrdə geniş yayılmış palçıq vulkanları əks olunub. Bu gün Azərbaycanda da 300-dən artıq palçıq vulkanı müəyyən edilib. Onların hamısı da bu atlasda əks olunub. Bundan əlavə, 7 ildə dövlət proqramı üzərində yer təkinin yeni modeli hazırlanıb”.

 AMEA prezidenti qeyd edib ki, akademik Ramiz Mehdiyevin “Dağlıq Qarabağ və Xəzərdən oxunmuş tarix” kitabı, Kamal Abdullayevin, Yaqub Mahmudovun və digər alimləri yazdıqları əsələr, kitablar humanitar-ictimai elmlər bölməsinin uğurlarıdır.

APA