Almaniyada Novruz bayramı qeyd edilib

Berlində fəaliyyət göstərən Azərbaycan Evində dünyanın təxminən 30 ölkəsindən olan və Almaniya Parlamentində fəaliyyət göstərən gənc beynəlxalq aktivistlər üçün bu ilin Azerbaycanli Beynəlxalq Parlament Təqaüdçüləri, Azərbaycan Evi, Alman-Azərbaycan Gənclər Assosiyasiyasının təşkilatçılığı ilə mart ayının 23-də Novruz bayramı şənliyi təşkil olunub.

Tədbiri giriş sözü ilə Alman-Azərbaycan Gənclər Assosiasiyasının sədri Rəqsanə Civişova açaraq qonaqları salamladıqdan sonra, xalqımızın ən əziz bayramı olan Novruz bayramı haqqında məlumat verərək, bu bayramın sülh, dostluq, təbiətin oyanışı, bərəkətlilik bayramı olduğunu söyləyib.

Daha sonra isə Azərbaycan Respublikasının Almaniyadakı Səfirliyinin 1-ci katibi Fikrət Axundov çıxış edərək ölkəmizdə qeyd olunan bayramlar və xalqımıza məxsus olan müxtəlif adət-ənənələr haqqında məlumat verib. O, xüsusilə Novruz bayramının Azərbaycan xalqının həmrəyliyində, məişət və ictimai həyatinda rolu barədə danışmışdı.

Mərasimdə qonaqlara Azərbaycanın milli Kulinariyasına aid şirniyyət və yeməklər təqdim olunmuş, Milli musiqilər səsləndirilmiş və rəqslər ifa olunub.

Qeyd edək ki, tədbirdə Azərbaycan səfirliyinin əməkdaşları ilə bərabər, Rusiyanın Almaniyadakı səfirliyiinin rəsmiləri də qonaq qismində iştirak ediblər.