“APA” İLƏ BAĞLI YEKUN QƏRAR AÇIQLANDI – Vüsalə Mahirqızından yeni bəyanat

Avqustun 1-də Prezident İlham Əliyevin çıxışını təhrif etdiyinə görə fəaliyyəti dayandırılan "APA Holding” MMC ilə bağlı yekun qərar verilib.

"AzPolitika.info”nun məlumatına görə, holdinqin prezidenti Vüsalə Mahirqızı bu gün "APA Holding” MMC-nin fəaliyyətini tamamilə dayandırdığını elan edib. V.Mahirqızının bir cümləlik bəyanatında deyilir: "”APA Holding” MMC fəaliyyətini tamamilə dayandırıb”.

V.Mahirqızının bu bəyanatı APA ilə bağlı siyasi qərarın qətiləşdiyindən xəbər verir. Beləliklə, bu media holdinqin yenidən fəaliyyətə başlayacağı ilə bağlı ehtimallar aradan qalxmış oldu.

Siyasi hakimiyyətin ən uğurlu media layihələrindən biri ilə bağlı belə sərt qərarı son dərəcə maraqlıdır. APA, şübhəsiz ki, hökumətin media siyasətində çox önəmli rol oynayırdı. Bu holdinqın bir səhvə görə (Prezidentin çıxışının çüzi təhrifi-red.) üstündən xətt çəkildiyinə inanmaq sadəlövhlük olardı. APA daha böyük oyunların qurbanıdır və yüksək ehtimalla, bu populyar agentliyin belə qəfil qərarla bağlanması daha bir "imperiyanın” asta çöküşünün üzə çıxan inikalarından biridir. Belə bir prosesin getdiyi, xüsusən də son aylarda daha çox gözlə görünən olub.

Çox böyük ehtimalla, yaxın vaxtlarda APA-nı əvəz edəcək, onun informasiya məkanındakı əhəmiyyətli yerini doldurmağa hesablanacaq yeni media layihəsinin əsası qoyulacaq. Lakin şübhəsiz ki, bu layihə hökumətə APA-nın bağlı olduğu tellərlə bağlı olmayacaq…

 

Miq.az