Arda Turan rəsmən “Barselona”da

 İspaniyanın "Barselona” klubu Madrid "Atletiko”sunun türkiyəli ulduzu Arda Turanı transfer etdiyini rəsmən açıqlayıb.

 

Vətəninfo.az APA-ya istinadən xəbər verir ki, klublar transferin şərtlərini razılaşdırıblar.

 

"Barselona” bu transfer üçün "Atletiko”-ya 34 milyon avro ödəyəcək.

 

Yaxın günlərdə futbolçu tibbi müayinədən keçərək, yeni klubla müqavilə imzalamalıdır. Arda Turanın illik qazancının 7 milyon avro olacağı bildirilir.

 

2011-ci ildən "Atletiko”-da oynayan A.Turan Madrid klubunda  İspaniya çempionu, həmçinin, İspaniya Kuboku, İspaniya Superkuboku, Avropa Liqası və UEFA Superkubokunun qalibi olub.