“AST” Telmanın Ziya Məmmədovla məxfi “planı”

Rusiyada yaşayan azərbaycanlı  milyarder Telman Ismayılov Azərbaycanda bir sıra məmurlarla işbirliyinə gedir. Rusiyanın  novostnik.ru  saytının yaydığı məlumatda deyilir ki, milyarder Azərbaycan siyasətinə nüfuz etmək məqsədilə nəqliyyat naziri Ziya Məmmədov və baş nazirin keçmiş müavini, hazırda Rusiyada bizneslə məşğul olan Abbas Abbasovla danışıqlar da aparıb. Amma onlar T.Ismayılova bildiriblər ki, bir qədər ehtiyatlanırlar və üzdə görünmək niyyətində deyillər. T.Ismayılov isə onlardan regional mahiyyətli dəstək istəyib. Məqsəd Gəncə və Şirvan elektoratını aktiv siyasətə cəlb etməkdir.

“Novostnik”in yazdığına görə, azərbaycanlı milyarderin təşkil etmək istədiyi komandada bir nəfər tanınmışın adı da çəkilir. Bu, Rusiyada tikinti biznesi ilə məşğul olan Mehrac Babyevdir. Onun Azərbaycan Milli Məclisində bir deputata himayədarlıq etdiyi də bildirilir.

Saytın yazdığına görə, bundan bir müddət əvvəl Fizuli Məmmədov və Rusiya prezidenti V.Putinin dostu Ilham Rəhimov da Azərbaycanda siyasətə qoşulmaq istəsəyiblər. Lakin onların bu cəhdi alınmayıb.

Azpolitika.com