ATƏT müşahidəçiləri Donbasda atəşə tutuldu

ATƏT müşahidəçiləri ötən gün növbəti dəfə Donbasda atəşə tutulub.

APA-nın "TASS”a istinadən verdiyi xəbərə görə, bu barədə təşkilatın hazırkı sədri, Serbiya XİN rəhbəri İvitsa Daçşiçin bəyanatında bildirilir.

ATƏT rəhbəri qeyd edib ki, bu hadisədən sonra o, növbəti dəfə münaqişə tərəflərini Xüsusi monitorinq qrupunun işinə əngəl törətməməyə çağırıb.

Bundan əvvəl Ukrayna XİN-i Donbasda atəşkəsin pozulması təhlükəsi olduğundan Rusiya hakimiyyətini tədbir görməyə çağırıb.

Qeyd edək ki, avqustun 10-na keçən gecə Donetskdə naməlum şəxslər ATƏT müşahidə missiyasına məxsus 7 avtomobil yandırmışdılar.

Vətəninfo.az