Avropa Liqası: “Yuventus” qələbə qazandı, “Valensiya” uduzdu

Vətəninfo.az  ANS PRESS-ə əsasən xəbər verir ki,  Avropa Liqasında 1/4 final mərhələsinin ilk oyunları keçirilib. Qitənin ikinci dərəcəli klub turnirində bütün qarşılaşmalar eyni gündə baş tutub.
Oyunlar arasında daha çox maraq doğuran matç "Lion" - "Yuventus" qarşılaşması olub. Fransada “Lion” adlı-sanlı “Yuventus”u qəbul edib və "qoca sinyora" bu oyunda minimal hesabla qələbə qazanıb.
Bu mərhələdə hərəyə iki komanda ilə təmsil olunan İspaniya ilə Portuqaliyanın klublarının öz aralarındakı dueli də baş tutub. İspaniya təmsilçisi "Sevilya" səfərdə "Portu" ilə qarşılaşıb və rəqibinə 0:1 hesabı ilə uduzub.
Digər oyunlarda isə "Benfika" səfərdə "AZ Alkmaar"ın qonağı olub və 1:0 minimal hesabla qələbə qazanıb. "Bazel" öz meydanında zəif təsir bağışlayan "Valensiya"nı 3 cavabsız qolla məğlub edib - 3:0.
Xatırladaq ki, komandalar arasında cavab oyunları aprelin 10-da keçiriləcək.
Avropa Liqası, 1/4 finalın ilk oyunları
“Porto” (Portuqaliya) – “Sevilya” (İspaniya) - 1:0
Qol: Mangala, 31
“Az Alkmaar” (Hollandiya) – “Benfika” (Portuqaliya) - 0:1
Qol: Salvio, 48
“Lion” (Fransa) – “Yuventus” (İtaliya) - 0:1
Qol: Bonucci, 85
“Bazel” (İsveçrə) – “Valensiya” (İspaniya) - 3:0
Qol: Dalgado, 34; 38; Stocker, 90

Vətəninfo.az