Aydan Salahovadan yenilik - Foto

Rəssam, heykəltaraş, videorejisssor, qalereya sahibi Aydan Salahovanın növbəti art-layihəsi təqdim edilib. 

“Qafqazinfo”nun Rusiya mətbuatına istinadən verdiyi məlumata görə, məşhur qalereyalar sahibi Valeriya Rodnyanskaya məxsus “Şaltay-Boltay” art-hədiyyələr qalereyasında Aydan Salahovanın “Fars miniatürləri” adlı qrafiki motivli seriyası altında ipək örpəklərin kolleksiyasının təqdimatı keçirilib. 

Tədbirdə bir çox məşhur rəssamlar iştirak ediblər.

Qeyd edək ki, bir müddət öncə azərbaycanlı rəssamın “İnterviewrussia.ru” saytında məşhur model Naomi Kempell ilə söhbəti Azərbaycanda müzakirələrə səbəb olmuşdu. Müsahibədə Aydan Salahovanın cəsarətli hesab edilə biləcək, yarıçılpaq şəkilləri dərc olunmuşdu.