Azərbaycanın 3 futbol klubu dağıldı

Azərbaycan çempionatının I divizionunda çıxış edəcək komandalar müəyyənləşib.

"Vətəninfo.az" xəbər verir ki, 2012/13 mövsümündə Premyer Liqaya vəsiqə uğrunda 13 komanda mübarizə aparacaq. Bunlar "Qaradağ Lökbatan", "Neftçala", "Şahdağ", "Bakılı", "Lokomotiv", "Şəmkir", "Tərəqqi", "Şuşa", "Energetik", MOİK, "Göyəzən", "Ağsu", "Qala" klublarıdır. Sonuncu 2 komanda – “Ağsu” və “Qala” ilk dəfə ölkə çempionatında iştirak edəcək. Bu 2 klub yeni addırsa, ötən mövsüm bu yarışa qatılan 3 iştirakçı fəaliyyətini dayandırıb. 

Azərbaycan futbolunda növbəti “ölən” klublar “Karvan”, “MKT-Araz” və “Muğan” olub. Bunların da hamısı vaxtilə Premyer Liqada oynamış komandalardır. Sonuncular istisna olmaqla, digər ikisi isə hətta avrokuboklarda da çıxış ediblər.

Qeyd edək ki, artıq bu gün saat 16:00-da I divizionun püşkü atılacaq.

Apasport