Azərbaycanla bağlı İran kəşfiyyat orqanları arasında mübahisə

İran kəşfiyyatı Azərbaycanın Milli Təhlükəsizlik Nazirliyinin (MTN) fəaliyyətindən narahat olmağa başlayıb.

Güneyli soydaşlarımızın “Vətəninfo.az”a verdiyi məlumata görə, son günlər MTN- tərəfindən İranın kəşfiyyat orqanlarına işləyən şəbəkələrin ifşa olunması istiqamətində keçirilən əməliyyatlar və onların təsir dairəsində olan qrupların zərərsizləşdirilməsi bu ölkənin xüsusi xidmət orqanlarının daxilində də fikir ayrılığına səbəb olub. Təhlükəsizlik və Kəşfiyyat Nazirliyi (ETTALAAT) ölkəmizə qarşı gizli və təhdid xarakterli əməliyyatlar keçirməyi, İran İslam İnqilabı Mühafizəçiləri Korpusu (SEPAH) isə daha radikal mövqe tutaraq, “Evrovision-2012”in keçirildiyi günlərdə Azərbaycanda çoxlu insan itkisi ilə nəticələnəcək terror aktları keçirməyi israr edib.
Mənbə qeyd edib ki, xüsusi xidmət orqanları arasındakı fikir ayrılığına son qoymaq üçün ETTALAAT rəhbərliyinə İranın ali dini rəhbərinin göndərdiyi raportda bir sıra tövsiyyələr verilir. Belə ki, məxfi olan hesabatda bildirilir ki, İran xüsusi xidmət orqanlarının Azərbaycanda hansısa təxribat törətmək planlarının ifşa olunmaması, əməliyyatların keçirilməsi zamanı təşkilatlar arasında birgə əməkdaşlıq vacibdir.

İnformasiya şöbəsi