Azərbaycan:"Müharibə istəmirik"

Azərbaycan və Ermənistan xarici işlər nazirlərinin Parisdə keçirilən görüşü sülh prosesi istiqamətində bir addım idi. Yanvarın 28-də Minsk qrupu həmsədrlərinin yaydığı birgə bəyanatda Məmmədyarov-Nalbaldyan görüşünə belə qiymət verilir. Bəyanatda deyilir: “Xarici işlər nazirləri məsələnin sülh yolu ilə tənzimlənməsi və sülh danışıqlarının davam etdirilməsi istəyində olduqlarını bldiriblər. Onlar razılaşıblar ki, yaxın həftələrdə sülh prosesi istiqamətində danışıqlar davam etdirilsin”.

Görüşlə bağlı xəbər yayan Reuters-in müxbirləri Parisdəki Azərbaycan diplomatından sitat gətirirlər: “Biz bu dalana dirənmiş məsələdən çıxış yolu tapmaq üçün ermənilərə böyük müxtariyyat verməyə çalışırıq, lakin onlar (Dağlıq Qarabağ) Azərbaycanın ərazisi tərkibində qalmalıdırlar”. Müəlliflər adını çəkmədikləri mənbədən daha bir sitat gətirirlər: “Biz müharibəyə hazır olsaq belə, müharibə istəmirik”. 

Vətəninfo.az