Bakının mərkəzində partlamamış raket - ŞOK

Bakının Yasamal rayon ərazisində, Bakı Dövlət Univeristetinin 1 saylı tələbə yataqxanasının həyətində hər an partlamağa hazır “Qrad” qurğusu üçün nəzərdə tutulan partlamamış raket mıərmisi var. “Vətəninfo.az”a daxil olan məlumata görə, bu raket mərmisi 1993-cü ildə Ağdam rayonunun işğalından sonra Bakıya gətirilib. 

Qeyd edək ki, adı çəkilən yataqxanada əsasən Ağdamdan məcburi köçkünlər məskunlaşıb. “Qrad” qurğusu üçün nəzərdə tutulan raket mərmisi yataqxana divarının düz dibinə atıldığından və üzərini otlar örtdüyündən bir çoxlarının gözündən yayınıb. Amma son günlər havaların isti keçməsi və ərazidəki otların təmizlənməsi ilə əhalinin birbaşa həyatına təhlükə törədəcək və cidddi təhlükəli nəticələr doğura biləcək raket mərmisi açıq-aydın görünür. Çox təssüflər olsun ki, istər yataqxanaya birbaşa məsul olan BDU rəhbərliyi, nə də aidiyyatı orqanlar bu təhlükəni görməzdən gəlirlər. Hadisə yerində olan əməkdaşımızın çəkdiyi rəsimlərdən də görmək olur ki, ciddi təhlükələr yarada biləcək gücdə olan bir bomba mütləq ərazidən çıxarılmalıdır.

Kamran